Illgirni og almenn mannvonska

mánudagur, ágúst 30, 2004

Athugasemdir

Ég gefst upp. Hérna er thá athugasemdahólfid ykkar, kaeru börn. Hédan í frá geta their sem nenna ekki ad skrifa mér alvöru bréf (skammist ykkar) eda eru of uppteknir til ad skrifa mér alvöru bréf (sussubía) eda eru of blankir til ad hringja í mig (greyin mín) skilid eftir litla línu til ad láta vita af sér og áframhaldandi tilveru sinni.

Ég aetladi ad skýra hólfid "hér má gera stykkin sín" en ég kann ekki á tölvur svo thad tókst ekki.

Ad ödru leyti er allt gott ad frétta. Vid litla systir förum út á Rotterdamflugvöll eftior nokkra tíma thar sem tekin verdur vél á vegum Basiqair (traustvekjandi....) til Berlínar. Alvöru lífsins er thví frestad enn um thónokkra daga.

Sael á medan.

Víóluskrímslid - étur vínber í tölvustofunni

föstudagur, ágúst 27, 2004

Út í heim

Eftir örfáa daga stökkvum við litla systir upp í einokunarvél á vegum Flugleiða og fljúgum á vit H-lands. Þaðan förum við guð veit hvernig til Þýskalands þar sem málhalt víólskrímsl mun reyna að dusta rykið af menntaskólaþýskunni á börum borgarinnar meðan litla systir þarf að standa í röðum marga klukkutíma á dag til þess að fá nafn sitt inn í borgarregistur Berlínar.

Sumarið er á enda runnið - og það er súrt enda gott sumar með afbrigðum. Það tókst að byggja bráðabirgðakamar, ferðast um landið, vaka næturlangt á vöktum á lúsarlaunum, borða mikið kjöt fisk og ótrúlegan haug af nammi, lóðsa Finna um næturlíf Reykjavíkurborgar, fara á draugasafnið, hanga með ömmu, hitta fjölskyldu og flesta vinina, sjá á eftir æskuvinum í hjónaband án tilteljandi stóráfalla og svo mætti lengi telja. Það eina sem mér hefur ekki tekist að koma í verk er að bjóða völdum aðilum í kaffi eitt kvöldið. Taki þeir til sín sem eiga.

Útlegðin er við það að hefjast á ný. Víólskrímslið er snúið aftur, argt sem aldrei fyrr! Lesið allt það nýjasta frá H-landi á þessari síðu. Útlendingaeftirlitið fær án efa sinn skerf af öskrum og blóti enda er enn og aftur búið að skipta um stefnu á þeim bæ og enginn veit í raun hvernig allt á að virka.

Sjáumst.

Víóluskrímslið - í startholunum